Taxi

Leigubílsstjórar í Riga eru meindýr sem kurteiz vildi ekki bjóða bólfestu á nokkrum manni. Öll brögð eru leyfileg við svik og pretti sem bitnar á bláeygðum gestum. Fyrst lendir undirritaður og frú undirritaður í klónum á skrattakolli sem hefur enga tungu aðra en sína klofnu rússnesku. Hann hefur með brögðum náð sér í verðmæli sem mælir verð ríflegar en ella þegar farþegar gjóa augum á mannvirki handan við bílrúðu. Keyrir svo burt í hendingskasti með illa fenginn aur og hefur ekki fyrir því að loka afturlúgu. Svo er það hinn þrjóturinn sem kann bara að rífa kjaft og heimtar alls konar aukapening sem ekki var um samið fyrirfram og hótar með löggu þegar maldað er í mó. Að skilnaði gefur sá grái tilbaka litháska mynt í skjóli myrkurs. Varist þann drýsil börnin góð.